The Canterbury Tales

by: Geoffrey Chaucer

General Prologue: Conclusion

1

A seemly man OURE HOOSTE was withalle For to been a marchal in an halle. A large man he was with eyen stepe— A fairer burgeys was ther noon in Chepe— Boold of his speche, and wys, and wel ytaught, And of manhood hym lakkede right naught.

2

And seyde thus: ‘Now, lordynges, trewely, Ye been to me right welcome, hertely; For by my trouthe, if that I shal nat lye, I saugh nat this yeer so myrie a compaignye Atones in this herberwe as is now.

3

And there oure Hoost bigan his hors areste And seyde, ‘Lordynges, herkneth, if yow leste. Ye woot youre foreward, andI it yow recrode. If even-song and morwe-song accorde, Lat se now who shal telle the firste tale.